"Vest Xem" bosh murabbiyi Slaven Bilich Angliya chempionati 13 turida "Manchester Yunayted"ga qarshi kechadigan o'yin oldidan mankunianliklar bosh murabbiyi Joze Mourino haqida gapirarkan, u bilan bog'liq qiziqarli statistika keltirdi. Portugaliyalik murabbiy faoliyati davomida o'z maydonida o'tkazgan 263 uchrashuvdan bor yo'g'i 10 tasida mag'lbiyatga uchragan.
"Mourino - buyuk murabbiylardan biri. Statistika jihatidan esa o'z maydonida bu qadar yaxshi natija qayd etgan boshqa murabbiy yo'q.
Bunday darajada qolish juda qiyin. Balki hozir o'sha statistika biroz pasaygandir, biroq shunda ham bu pasayish Jozening o'zi ilgari qayd etgan natija bilan taqqoslaganda bilinadi.
Bunday natijani uzoq vaqt davomida saqlab qolish juda qiyin. Mourino o'n yil davomida bu ishni uddalagani esa mo''jiza", - deydi Bilich.
— deya xabar beradi uff.uz nashri.