O'zbekiston milliy terma jamoasi 2018 yilda Rossiya davlatida bo'lib o'tadigan Jahon chempionatining saralash uchrashuvlarida ishtirok etayotganini yaxshi bilasiz. Hademay, noyabr oyida termamiz KXDR va Yamanga qarshi muhim o'yinlarni o'tkazadi.
Filippin va Bahraynga qarshi o'yinlar bo'lsa, kelasi yilning bahorida bo'lib o'tadi.
Bugun e'tiboringizga bir yangilikni havola etmoqchimiz. To'g'ri, u hali "pishib" etmagan, lekin "pishish" arafasida.
O'zbekiston futbol federatsiyasi prezidenti Mirabror Usmonovga yaqin bo'lgan manbalardan olingan norasmiy ma'lumotlarga qaraganda, O'zbekiston milliy terma jamoasi 2016 yilning kuz oylarida Evropaning ko'zga ko'ringan terma jamoalaridan biri bilan o'rtoqlik uchrashuvini o'tkazishi mumkin.
O'yin Toshkentdagi "Bunyodkor" stadionida o'tishi ko'zda tutilgan. Hozircha, bizga sparring bo'lishi mumkin bo'lgan termalar orasida sobiq Yugoslaviya davlatlarining vakillari bor. Ular Xorvatiya, Sloveniya va Makedoniyalardan biri. Bundan tashqari Slovakiya yoki Rossiya termalaridan biri bo'lishi ham mumkin.
Hozircha, kelishuvning dastlabki qismi haqida kelishuv olib borilgan. Evropa vakillari Evro-2016 musobaqasidan keyin Toshkentga kelishga qarshi emasliklarini bildirishgan. Hammasini vaqt ko'rsatadi.
Muzokaralar davom etmoqda.
— deya xabar beradi uff.uz nashri.