Italiyaning “Roma” jamoasi klub yarim himoyachisi Daniele De Rossi bilan kelishuv muddatini uzaytirishga shoshilmayapti. “Peskara”ga qarshi (3:2) Italiya chempionati 14-turidan so'ng De Rossi klub bilan shartnomasi borasida muzokaralar olib bormaganini ta'kidladi. “Hech narsa o'zgarmadi, biz shartnoma borasida muzokara o'tkazmadik. Ayni damda “Roma”ning turnirdagi holati meni ko'proq qiziqtirmoqda. Hozircha boshqa masalalar muhim emas”, – dedi yarim himoyachi. «Roma» direktori Mauro Baldissoni xavotirga o'rin yo'q ekanini aytdi. Rahbariyat De Rossi bilan xayrlashish niyatda emas, ammo hozircha kelishuvni uzaytrishi uchun qulay vaqt emas. 
— deya xabar beradi uff.uz nashri.