Madridning "Real" jamoasini uzoq vaqt boshqarish oson ish emas. Shunga qaramay bunday ishni uddalagan bir nechta mutaxassis bor. Quyidagi maqola orqali "qirollik klubi"ni eng ko'p boshqargan 7 murabbiy haqida ma'lumotga ega bo'lishingiz mumkin.
7. Karlo Anchelotti
Natijasi: 119 o'yin. 89 g'alaba, 14 durang, 16 mag'lubiyat. To'plar nisbati 323:103
Anchelotti Madridliklarni 2013-2015 yillar davomida boshqardi. U klub bilan birgalikda Ispaniya kubogi, Chempionlar ligasi, Evropa superkubogi va klublar o'rtasidagi jahon chempionatida zafar quchdi. Biroq La ligani yuta olmagan italiyalik mutaxassisga ikkinchi mavsumdan keyin chiqish eshiklari ko'rsatib qo'yildi.
6. Milan Milyanich
Natijasi: 134 o'yin. 67 g'alaba, 36 durang, 31 mag'lubiyat. To'plar nisbati 231:150
Milyanich "Qirollik klubi"ga 1974-1977 yillar mobaynida murabbiylik qilgan. Uning davrida Madridliklar 50 foiz o'yinlarda g'alaba qozonishgan bo'lsa ham, ikki marta La liga va bir bora kubokda oltin medallarni qo'lga kiritishgan.
5. Vuyadin Boshkov
Natijasi: 139 o'yin. 80 g'alaba, 31 durang, 28 mag'lubiyat. To'plar nisbati 249:136
Yugosloviyalik yana bir mutaxassis Boshkov "blanos"ga 1979-1982 yillarda ustozlik qildi. U ham Milyanich cingari jamoani mamlakat chempioni va kubogi sohibiga aylantirdi.
4. Leo Benxakker
Natijasi: 169 o'yin. 107 g'alaba, 40 durang, 22 mag'lubiyat. To'plar nisbati 357:158
Benxakker 1986-1989 yillari "Real"ni 169 ta o'yinda boshqargan. Leo Madriddagi super jamoa bilan 3 marta chempionatda, bir bora kubokda va ikki marta superkubokda bosh sovringa ega chiqdi. Ammo gollandiyalik mutaxassis klubni Chempionlar kubogida g'oliblik sari etaklay olmadi.
3. Joze Mourino
Natijasi: 178 o'yin. 128 g'alaba, 28 durang, 22 mag'lubiyat. To'plar nisbati 475:168
Portugaliyalik murabbiy jamoaga murakkab davrda keldi. 2010-2013 yilda Mourino "Real"ni boshqardi va La ligada Gvardiolaning "Barselona"sini to'xtata oldi. Joze Madrid klubi bilan chempionat, kubok va superkubokda oltin medallaarga sazovor bo'ldi.
2. Visente del Boske
Natijasi: 245 o'yin. 133 g'alaba, 57 durang, 55 mag'lubiyat. To'plar nisbati 489:289
Del Boske "galaktikos"ga uch marta murabbiy bo'ldi. 1994 yili 11, 1996 yili 1 o'yinda jamoani boshqargan Visente 1999-2003 yillarda 233 ta bellashuvda klub ustozi sifatida faoliyat yuritdi. Ispaniyalik mutaxassis klub muzeyiga 2 ta Ispaniya chempionati va bitta superkubokni, ikkita Chempionlar ligasi hamda bittadan UEFA superkubogi va Qit'alararo kuboklarini tuhfa etgan.
Davomi Furqat Yusupov blogida.
— deya xabar beradi uff.uz nashri.