Germaniyaning “Volfsburg” jamoasi yarim himoyachisi Yulian Draksler amaldagi klubi safida faoliyatini javom ettirishni istamayapti. 23 yoshli futbolchi qishki transfer mavsumda “bo'rilar” safini tark etish istagini bildirdi. Mahoratli futbolchiga ayni damda “Arsenal”, “PSJ” va “Yuventus” klublari qiziqmoqda. Ma'lumotlarga ko'ra, yuqorida nomi keltirilgan jamoalarning barchasi qishda Drakslerni o'z safiga qo'shib olishga harakat qiladi. Yarim himoyachining transfer narxi 40 mln evroga baholanmoqda. Joriy mavsumda Yulian Draksler Germaniya chempionatining 10 o'yinida maydonga tushib, birorta ham samarali natija qayd etmadi. 
— deya xabar beradi uff.uz nashri.