Madridning "Real" klubi bosh murabbiyi Zinedin Zidan Ispaniya chempionati 14 turida "Barselona"ga qarshi kechadigan o'yinda maydonga tushadigan asosiy tarkibni ma'lum qildi.
Ispan nashrlari tomonidan xabar qilinishicha, madridliklar uchrashuvni quyidagi tarkibda boshlaydilar.
"Real": Navas, Karvaxal, Varan, Ramos, Marselo, Modrich, Kovachich, Isko, Lukas Vaskes, Benzema, Krishtianu Ronaldu.
Eslatib o'tamiz, ushbu uchrashuvda jarohati tufayli Toni Kroos, Garet Beyl va Alvaro Morata maydonga tusha olmaydi. Uchrashuv ertaga, 3 dekabrda, Toshkent vaqti bilan soat 20.15da boshlanadi.
— deya xabar beradi uff.uz nashri.