«Manchester Siti» klubi hujumchisi Serxio Aguero «Chelsi»ga qarshi uchrashuvdagi qo'polligi uchun 4 ta o'yinga diskvalifikatsiya qilindi. Argentinalik hujumchi uchrashuvning oxirida «Chelsi» himoyachisi David Luisga nisbatan qo'pol o'ynagani uchun maydondan chetlatilgan edi. FAning qaroriga ko'ra, Serxio Aguero to'rtta o'yinga diskvalifikatsiya qilindi. Hujumchi  «Lester» (10 dekabr), «Uotford» (14 dekabr), «Arsenal» (18 dekabr) va «Xall Siti»ga (26 dekabr) qarshi kechadigan uchrashuvlarda «Manchester Siti»ga  yordam bera olmaydi. Shuningdek, «Siti» a'zosi Fernandino hamda londonliklar yarim himoyachisi Sesk Fabregaslarga ham jazo choralari ko'rilishi mumkin.
— deya xabar beradi uff.uz nashri.