"Manchester Yunayted"ning ikki futbolchisi yanvarda "Everton"ga o'tib ketishi mumkin. Xabar qilinishicha, "Everton" rahbariyati Memfis Depay va Morgan Shnayderlin borasida mankunianliklar bilan muzokara boshlagan.
"Manchester Yunayted" bosh murabbiyi Joze Mourino har ikki futbolchini ham tarkibda olib qolishni istamayapti. Shu sababli ularning "Everton"ga o'tishi ehtimoli ancha katta. Depay transfer bozorida 21.2 million funtga baholangan, Shnayderlinning transfer qiymati esa 23.8 million funtga teng.
Joriy mavsum 22 yoshli Depay Angliya chempionatida 22 uchrashuvda maydonga tushgan bo'lsa, 27 yoshli Shnayderlin 3 ta uchrashuvda ishtirok etgan. Ularning ikkisi ham birorta golli vaziyatda qatnashmagan.
— deya xabar beradi uff.uz nashri.