Garet Sautgeyt Ellerdaysga bog'liq mojarolar yakuniga etgandan so'ng, FA ning issiq o'rnini egalladi. Ba'zi bir dalil va faktlarni hisobga olib, nega FA bu safar ham tanlovda adashganini aytib o'tamiz. Angliya terma jamoasi nafaqat Evropaning, balki butun jahonning eng kuchli terma jamoalaridan biri, statusiga ega. So'nggi marotaba inglizlar Jahon chempionatini 1966 yilda yutib olganlar. Shundan buyon “uch sherlar” katta yutuqlarsiz qolishmoqda. Shunday bo'lsa ham, inglizlar doimo yulduzli tarkibga egalar. Iqtidorlar, taniqli yulduzlar, istiqboli porloq o'smirlar va barchasi terma jamoada mujassam, lekin natija buni aks ettirmayapti. Albatta, ba'zilar APL taqvimini o'ta keskin, deya talqin qiladi va buni inglizlarning xalqaro futbolidagi omadsizliklarining sababi, deya izohlaydi. Darvozabon muammosi Angliyada doimo bosh og'riq hisoblangan. Ammo Jo Hart qaysidir ma'noda bu muammoga nuqta qo'ydi, desak mubolag'a bo'lmaydi. Murabbiy masalasi haligacha boshqotirmaligicha qolmoqda. Garet Sautgeytning terma jamoa yo'lboshchiligiga tayinlanishi FA ning navbatdagi xatosiga o'xshaydi. Garet 1970 yilda Uotford shahrida tavallud topgan va har bir ingliz muxlisiga juda tanish. Futbolchilik faoliyatini u Londonning “Kristal Pelas”ida boshlagan. Klub APL ni tark etgach, Garet “Aston Villa”ga ko'chib o'tdi. Keyinchalik Sautgeyt o'z kuchini “Midlsbro”da sinab ko'rdi. “Boro”da Sautgeyt futbolchilik faoliyatini yakunladi va aynan shu jamoani o'zida u o'zining murabbiylik faoliyatiga start berdi. U o'zining ilk murabbiylik mavsumida jamoa bilan 12-o'rinda chempionatni yakunladi. Keyingi mavsum esa, bu ko'rsatkich 13-o'rinni tashkil etdi. Afsuski, keying mavsum “Boro” va Garet Sautgeyt birgalikda Primer Ligani tark etishdi va Chempionshipga ravona bo'lishdi. Davomi Penalti.uz da 
— deya xabar beradi uff.uz nashri.