"Arsenal" bosh murabbiyi Arsen Venger jamoa hujumchisi Aleksis Sanchesni afsonaviy Terri Anriga qiyosladi.
"Sanches qanotdan hujum markaziga o'tishdan baxtli edi. Uning pozitsiyasini almashtirganimda hech qanday muammo yuzaga kelmadi. U bu ishni yaxshi qabul qildi.
O'z vaqtida Terri Anrini ham qanotdan markazga o'tishga ishontira olgan edim. Bilmadim, balki bu mening eng katta yutug'imdir. O'zingiz ham ko'rib turibsiz, keng maydon bo'ylab o'ynashga va gol urishga o'rgangan o'yinchi hujum markaziga o'tgach yanada ko'proq gol urishi mumkin. Men har doim Sanchesda bunday iqtidorni ko'rganman va Anrining yo'lini takrorlay olishiga ishonganman.
Ammo shuni ham aytish lozim, o'tgan yillarda Aleksisni shu joyda maydonga tushirganimda xato qilayotganim haqida ham o'ylaganman. Chunki u bir necha o'yinlarda markaziy hujum chizig'ida u qadar yaxshi o'ynay olmagandi. Bu yilgi mavsumda ilk uchrashuvlardanoq ajoyib o'yin namoyish eta boshladi," - deydi Venger.
— deya xabar beradi uff.uz nashri.