"Barselona" klubi sobiq prezidenti Xuan Laporta kataloniyaliklarning Neymar bilan xayrlashish ehtimolligi borligi haqida gapirib o'tdi. Shu bilan birga, eks-prezident Messining hech qachon ketmaslini ham qo'shib qo'ydi.
"Messi hech qachon "Barselona"dan ketmaydi. U klubning ramzi va yuragimizning bir bo'lagi hisoblanadi. Men prezidentlik paytlarimda Messi borasida ko'plab takliflarni olganman.
Hatto, "Inter"dan supertaklif ham bo'lgan, lekin biz hamisha ularga rad javobini berardik.
Neymarga kelsak: u bilan vaziyat boshqacharoq. "Barselona" hozir moliyaviy og'ir ahvolda. Klub qarzlardan qutilishi uchun yoki o'z ulushining bir qismini yoki top futbolchisini sotishi kerak.
Eng yaxshi qaror bu - kuchli bir futbolchini sotib yuborish. Hozir Neymar borasida "Manchester Yunayted"dan ajoyib taklif bor", - deydi Goal nashri Laporta so'zlarini keltirib.
— deya xabar beradi uff.uz nashri.