"Manchester Siti" himoyachisi Pablo Sabaleta "Kristal Pelas"ga qarshi o'yinda jarohat olib, maydonni erta tark etgandi. O'yindan keyin o'tkazilgan tibbiy tekshiruvlar natijasiga ko'ra, Sabaleta tizzasidagi jarohatini yangilab olgan. Argentinalik futbolchi bundan bir oy avval ham shunga o'xshash jarohat olgandi. Ana o'sha jarohati tufayli u bir nechta o'yinlarni o'tkazib yuborishga majbur bo'lgandi. Hozircha Sabaletaning jarohati qanchalik jiddiy ekanligi noma'lum. Shifokorlar batafsil tekshiruvlardan keyingina bir to'xtamga kelishlari kutilmoqda.
— deya xabar beradi uff.uz nashri.