Madridning "Real" jamoasi rekordchilari haqidagi maqolalar turkumini davom ettiramiz.
Eng ko'p gol urgan futbolchi - Krishtianu Ronaldu
Portugaliyalik hujumchi 2009 yildan buyon "Real" tarkibida 361 o'yin o'tkazib, 374 ta golga mualliflik qilgan. Yaqin orada u 400 lik marrani zabt etishi kutilmoqda.
Chempionatda eng ko'p gol urgan futbolchi - Krishtianu Ronaldu
KriRo La liga doirasida 245 ta bellashuvda maydonga tushib, o'z hisobiga 268 ta gol yozdirib qo'yishga muvaffaq bo'lgan.
Ispaniya kubogida eng ko'p gol urgan futbolchilar - Karlos Santilyana va Ferents Pushkash
Madrid klubining ikki afsonasi Santilyana va Pushkash Qirol kubogi tunirida 49 martadan o'z nomlarini tabloga yozdirib qo'yishga muvaffaq bo'lishgan.
Ispaniya superkubogida eng ko'p gol urgan futbolchi - Raul
Raul 1994-2010 yillarda "Real" tarkibida mamlakat superkubogi o'yinlarida 7 ta gol urishga muvaffaq bo'lgan.
Xalqaro maydonlarda va evrokuboklarda eng ko'p gol urgan futbolchi - Krishtianu Ronaldu
Ronaldu bir yo'la ikkita ko'rsatkich bo'yicha 82 ta gol urgan holda rekordni o'ziga tegishli qilib olgan.
Chempionlar kubogida eng ko'p gol urgan futbolchi - Alfredo di Stefano
1953-1964 yillarda "Real"da harakat qilgan Di Stefano Chempionlar kubogi turnirida 49 ta golga mualliflik qilgan. Jumladan u musobaqaning beshta finalida to'p kiritgan yagona o'yinchi hisoblanadi.
Chempionlar ligasida eng ko'p gol urgan futbolchi - Krishtianu Ronaldu
Portugaliyalik hujumchi 2009 yildan beri Chempionlar ligasi turnirida "Real" raqiblari darvozabonlarini 80 marta ranjitishga erishgan.
Kubok egalari kubogida eng ko'p gol urgan futbolchi - Karlos Santilyana
Santilyana sobiq kubok egalari kubogi turnirida o'z hisobiga 11 ta gol yozdirib qo'ygan. Bu borada u endi abadiy to'purarlik qilsa kerak. Davomi Furqat Yusupov blogida.
— deya xabar beradi uff.uz nashri.