Londonning “Chelsi” jamoasi rahbariyati braziliyalik yarim himoyachi Oskarni Xitoy chempionatiga sotib yuborishga tayyor ekanini bildirdi. The Guardian nashrining ma'lum qilishicha, Oskarning xizmatilariga Andre Villash-Boash murabbiyligi ostidagi “Shanxay SIPG” klubi qiziqmoqda va uning transferi uchun 60 mln evro to'lashga tayyor. Londonliklar mazkur taklifni qabul qilishga qarshi emas. Ta'kidlash o'rinliki, Oskar Antoni Konte murabbiyligi ostida etarlicha o'yin amaliyotiga ega bo'lmayapti. U atigi ikki o'yinni to'liq o'tkazdi, qolgan o'yinlarda u asosan zaxiradan maydonga tushmoqda. Oskarning o'zi Xitoy chempionatiga yo'l olishga qarshi emas. 
— deya xabar beradi uff.uz nashri.