Angliya chempionatining 16-turidan o'rin olgan “Midlsbro” – “Liverpul” uchrashuvi o'z nihoyasiga etdi. Unda 0:3 hisobi qayd etilib, mersisaydliklarning g'alabasi bilan yakunlandi. O'yinning ilk daqiqalaridanoq “Liverpul“ maydonning har bir qismida ishonchli harakat qildi va raqibga erkinlik bermaslikka harakat qildi. Hisob esa birinchi bo'limning 29-daqiqasida Adam Lallana tomonidan tomonidan ochildi. Klayn qanotda mehmonlarning tezkor hujumini rivojlantirib, raqib jarima maydonchasiga to'pni havodan oshirib berganidan so'ng, angliyalik yarim himoyachi uni boshi bilan zarba yo'llab, darvoza to'riga joyladi – 0:1. Ikkinchi bo'limning 60-daqiqasiga kelib Lallananing golli pasga muallifligi ostida Divok Origi tezkor qarshi hujumni gol bilan yakunladi. Oradan sakkiz daqiqa o'tib, yana o'sha tinib-tinchimas Lallana raqib jarima maydonchasida yaqin masofadan qiyinchiliksiz Valdesni dog'da qoldirib, hisobni yirik 0:3 ko'rinishga olib keldi. Shu tariqa, “Liverpul” mehmonda “Midlsbro” darvozasiga javobsiz uchta gol kiritdi va musobaqa jadvalida ikkinchi o'ringa ko'tarildi. Angliya chempionati
16-tur Midlsbro – Liverpul 0:3 (0:1, 0:2)
Gollar: 0:1 – 29 Lallana, 0:2 – 60 Origi, 0:3 – 68 Lallana.
Midlsbro – Valdes, Chembers, Fabio, Barragan, Gibson, de Ron, Kleyton (Lidbitter, 56), Traore, Forshou, Fisher (Dauning, 56), Negredo (Rouds, 77).
Liverpul – Minole, Klavan, Lovren, Klayn, Milner, Lallana (Leyva, 82), Xenderson, Mane, Veynaldum (Edjaria, 87), Firmino, Origi (Aleksander-Arnold, 90).
Ogohlantirishlar: Gibson (69).
— deya xabar beradi uff.uz nashri.