“Chelsi” jamoasi bosh murabbiyi Antonio Konte “Kristal Pelas”ga qarshi (1:0) APl 17-turidan keyin o'z fikrlari bilan o'rtoqlashdi. Ta'kidlash kerakki, “Chelsi” qatorasiga 11 o'yinda g'alaba qozonib, klub rekordini takrorladi.   “APLda qatorasida 11 g'alaba – fantastika. Lekin meni tabriklar shart emas, futbolchilarni qutlash kerak. Ular uchun xursandman, jamoa g'alabalarga haqli. Shuningdek, muxlislar uchun ham xursandman. Ular uyimizda ham, safarda ham bizni doim qo'llab-quvvatlashadi. Biz erishgan natijalardan va ko'rsatilayotgan o'yinlardan qoniqmoqdaman.  Biz endigina 17 o'yin o'tkazdik, oldinda boshqa uchrashuvlar ham bor. Yaxshi holatdamiz va shu ruhda davom etamiz degan umiddaman”, – dedi Konte. 
— deya xabar beradi uff.uz nashri.