"Chelsi" klubi rahbariyati Madridning "Real" jamoasi yarim himoyachisi Xames Rodrigesga jiddiy tarzda qiziqmoqda. Bu haqida The Sun nashri xabar tarqatdi. Manbada aytilishicha, londonliklar kolumbiyalik futbolchi uchun 75 million funt taklif qilmoqchilar. Transfer shu qishdayoq amalga oshishi mumkin. Tomonlar yaqin orada muzokaralarni boshlaydilar. Joriy mavsumda Xames “Real“ safida 16 marta maydonga tushib, 2ta gol hamda 4ta golli uzatmaga mualliflik qilgan.
— deya xabar beradi uff.uz nashri.