Londonning “Arsenal” klubi bosh murabbiyi Arsen Venger hakamga e'tiroz bildirgani uchun jazolanmaydigan bo'ldi.
Venger o'tgan hafta ikki marta hakamlarga e'tiroz bildirgan. Oldiniga Mark Klattenburg bilan burchak zarbasi borasida tortishgan bo'lsa, keyinchalik Martin Atkinson bilan kelisha olmagan. Bunga “Manchester Siti”ning ikkita “o'yindan tashqari holatdagi gol”i sabab bo'lgan.
Yakunda esa Arsen Venger “ingliz hakamlari zooparkdagi sherlar” kabi himoya qilinganini ta'kidlab o'tgan.
“Men hakamlarning yaxshi himoya qilinishini xohlayman. Agar ular to'g'ri qaror qabul qilishsa, yanada yaxshiroq bo'lardi”, – deya yuqoridagi gaplarini izohlagan Venger.
Sky Sports nashri tarqatgan xabarga ko'ra, FA Arsen Vengerni diskvalifikatsiya qilish uchun bundan sabab topmagan.
— deya xabar beradi uff.uz nashri.