Qizg'inlik va murosasizlik an'anasi navbatdagi «uik-end» bellashuvlarida davom etdi. Marhamat, uning «qaymoq» lahzalaridan yana bir bor bahramand bo'ling! «Tulkilar»ning o'tkir tishlari Avvalgi turda jamoa «Man. Siti» ustidan ishonchli g'alaba erishgach, ko'pchilikda «Lester» qaytib keldi» degan umidbaxsh fikr paydo bo'lgandi. Shanba oqshomida «tulkilar» ertaklar olamini tark etib, shafqatsiz voqelikka duch kelishdi. Chempion o'z darvozasi daxlsizligini ta'minlash, raqib jarima maydonchasi ichida xavfli vaziyatlarni yuzaga keltirish kabi bir qator jabhalarda muammolarga duch keldi. Bu ham etmagandek, bellashuv boshlaganligiga yarim soat bo'lmay turib, avvalgi bahsning qahramoni - Jeymi Vardi maydondan chetlatildi. Oqibatda, «tulkilar» ikki marta o'yinni maydon markazidan boshlashga majbur bo'lishdi. Ko'pchilik mehmonlarning yirik hisobdagi mag'lubiyatini taxmin qila boshlagan pallada Klaudio Raneri jamoasi «uyg'ondi» va Li Grant darvozasi tomon tashlandi. Uloa hamda Amartining aniq zarbalari evaziga «tulkilar» tishlari o'tkariligini namoyish etib, muvozanatni tiklashdi. Saviya bobida maqatana olmasada jamoadi ruhiyat va iroda hozir ham chakki emas. «Chelsi» seriyani davom ettirdi «Ko'klar» «Lester»ning tezroq taxtdan qulatish uchun bor imkoniyatlardan foydalanishmoqda. Albatta, navbatdagi 3 ochkoni qo'lga kiritish uchun Antonio Konte shogirdlari anchagina ter to'kishlariga to'g'ri keldi. Bunga esa tirishqoq «Pelas» jiddiy qarshilik ko'rsatdi. Tobora yorqinroq o'yin naymoiysh etishga intilayotgan Diego Kosta bu gal ham maydonni golsiz tark etmadi. Afsonaviy ser Aleks tomonidan APLda qayd etilgan rekord(14ta g'alaba)ni takrorlash uchun italiyalik mutaxassis yana 3ta uchrashuvni g'alaba bilan yakunlashi talab etiladi. Ibraga 143 «limon»! Xitoyliklar shvetsiyalik yulduzning Osiyoda yog'du taratishi uchun naq 143 mln. evro yillik ish haqi to'lashga tayyor ekanliklarini ma'lum qilishdi. Siz o'qishda, biz esa yozishda xatolikka yo'l qo'ymadik - aynan 143 «limon»! Biroq 35 yoshli hujumchi hozircha evrolar «tog'i»dan ko'ra APL zavqi va shon-shuhratini ustun ko'rmoqda. «Vest Bromvich» darvozasiga yo'llagan ikki aniq zarbasi «MYu»ning qatorasiga uchinchi g'alabasini ta'minladi. 4-mag'lubiyat, 4-pog'ona Mavsumni muvaffaqiyatli boshlagan «Manchester Siti» va «Arsenal» «Chelsi»ni quvib etish uchun baholi qudrat harakat qilishmoqda. Ta'qibchilar so'nggi turlarni ko'ngildagidek o'tkaza olishmadi. Ularning o'zaro qarama-qarshiligida «to'pchilar» «shaharliklar» himoya chizig'idagi xatosidan unumli foydalanib, hisobda oldinga chiqib olishgandi. Ammo mezbonlar tanaffusdan so'ng raqibni o'z jarima maydonchasiga qisib qo'ydi. Davomi iff.uz saytida.
— deya xabar beradi uff.uz nashri.