«Bavariya» posboni Manuel Noyerning fikricha, jamoadoshlaridagi o'z kuchlariga nisbatan ortiqcha ishonch hissi ba'zi o'yinlarda qo'shimcha muammolar yuzaga kelishiga sabab bo'lyapti. Germaniya milliy jamoasi asosiy darvozaboni Goal internet-portali vakillari bilan suhbat chog'i buni ochiq-oydin tilga oldi. - Sizningcha, Xosep Gvardiola ketganidan keyin jamoada qanday o'zgarishlar yuz berdi? - Bu mutaxassis davrida yigitlar har bir mashg'ulotni tirishqoqlik bilan o'tkazishardi. Boshqacha aytsam, barcha jamoadoshlarim har qaysi uchrashuvda ustunlikni namoyish etish shartligini teran tushunardilar. Afsuski, hozir ichki imkoniyatlarimizning chamasi 80 foizini ishga solyapmiz, xolos. Albatta, bunday yondashuv sira yaramaydi. Harqalay, «Bavariya»dek grand jamoa doimo maksimal darajada o'ynashi kerak. - So'nggi paytlarda kuzatilgan omadsizliklar, ya'ni barqaror o'ynolmaslikni yana nima bilan izohlaysiz? - Aniqqi, «Bavariya» ixtiyorida yuksak saviyali futbolchilar etarli. Biroq hozir chindan ham, sustkashlikka yo'l qo'ymoqdamiz. Omadsizlik bir necha marta takrorlanganidan keyin har qanday yulduzli tarkib ham g'alabaga o'z-o'zidan erishmasligini tushunib etdik. Balki ayrim kichik kamchiliklarga vaqtida jiddiy e'tibor qaratmaganimiz keyinchalik muvaffaqiyatsizlikka yo'l ochgandir... - Demak, hamma gap futbolchilarning o'zlarida, shundaymi? - Ehtimol. Chamamda, o'z kuchimizga haddan tashqari ortiqcha baho berib yubordik. O'zi bunday holat jiddiy yutuqlarga erishgan jamoalarda uchrab turadi. «Bavariya» - yuksak darajadagi jamoa. Klubimiz hamon tomoshabop o'yin ko'rsatishga qodir. Lekin qandaydir muammolarga duch kelgan payt barchasini birdaniga to'g'rilash va yaxshi natijaga erishish oson emas. - Deylik, «Bayer» ustidan qozonilgan g'alaba sizlarga qanday ta'sir o'tkazdi? Davomi iff.uz saytida.
— deya xabar beradi uff.uz nashri.