Birlashgan Arab Amirliklarining Abu-Dabi shahrida dzyudo kurashi bo'yicha o'tkazilayotgan “Ulkan toj” turkumiga kiruvchi yirik xalqaro turnirda bugun erkaklar o'rtasida -60 kg va -66 kg. vazn toifalarida g'olib va sovrindorlar nomi ma'lum bo'ladi.
E'tiborlisi, har ikki vazn toifasida ham bahslarga kirishgan hamyurtlarimiz Diyorbek O'rozboev (-60 kg) va Rishod Sobirov (-66 kg) saralash bahslaridan muvaffaqiyatli o'tib, bronza medallar uchun tatamiga chiqadigan bo'ldilar.
Jumladan, Diyorbek O'rozboev uchinchi o'rin uchun armanistonlik Avanes Davidyanga qarshi bahs yuritsa, Rishod Sobirov germaniyalik Sebastyan Sidl bilan kuch sinashadi.
Har ikki yurtdoshimizga ham bo'lajak bellashuvlarda omad va zafarlar tilab qolamiz. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.