Rossiyadagi "Chempionat.kom" internet nashri Rossiya chempionatiga kelgach transfer qiymati oshib ketgan futbolchilar reytingini tuzib chiqdi va unga Odil "Krasnodar" yarim himoyachisi Odil Ahmedovni ham kiritdi. Maqolada Odil Ahmedov Premer ligada o'ynagunga qadar 1,5 million evroga baholangani va hozirga kelib 9 million evro turishi ko'rsatilgan.
"Odil Ahmedov kabi mehnatkash va bardoshli futbolchilar Osiyoda yuksak qadrlanadi. Shunday ekan, Odil xitoylik futbol sarmoyadorlari e'tiboriga tushgani ajablanarli emas.
Ammo "Krasnodar" xo'jayini Sergey Galitskiy yarim himoyachini arzonga berib yubormaydi. Birinchidan, Galitskiy uchun pul muammo emas, kerak bo'lsa uning o'zi "Shandun"ning istalgan futbolchisini sotib olishi mumkin.
Ikkinchidan esa, Odil Ahmedovning transfer qiymati Rossiya chempionatidagi faoliyati davomida ancha o'sdi. Bunday futbolchini agar qo'yib yuborishsa ham, katta pul evaziga sotishlari turgan gap. Bu o'rinda gap pulda ham emas, balki printsipda", - deyiladi "Chempionat.kom"da chop etilgan maqolada.
— deya xabar beradi uff.uz nashri.