Kiberfutbol bo'yicha O'zbekiston ilk chempionati bahslari start oldi. Mamlakatimizning eng kuchli kiberfutbolchilari jamlangan Oliy va Birinchi liga o'yinlarida 1-tur uchrashuvlari o'tkazildi. Oldinroq xabar berganimizdek, Oliy ligada 20 nafar ishtirokchining 4 nafari “Lokomotiv” jamoasi vakillaridir. Elitada jamoamiz sharafini Abdusapi Qayumov (“Abdusapi_Legend_Loko”), O'ktam Ibragimov (“Uktam_Rembo_Loko”), Sanjar Usmonov (“Sanjar_Blancos_Loko”) va Sherzod Mirazizov (“Sherzod_Schurrle_Loko”) kabi kiberfutbolchilar himoya qilishmoqda. Ular startni juda yaxshi olishdi. 4 ta bellashuvdan 3 tasida g'alabaga erishilgan bo'lsa, faqat bitta qarama-qarshilik durang bilan tugadi. Shuningdek, jamoamizning ukrainalik legioneri Evgeniy Gorbenko (“Loko_Danc1ng_ace”)  esa Birinchi liga bellashuvlarida o'z kuchini sinab ko'rmoqda. U ham 1-turni g'alaba bilan yakunladi. Oliy liga 1-tur: Abdusapi Qayumov (“Abdusapi_Legend_Loko”) – Sherxon Isakov (“Nakaut” – “Paxtakor”) 3:0 O'ktam Ibragimov (“Uktam_Rembo_Loko”) – Farruh Haydarov (“Ronaldinho” – “Olmaliq”) 5:0 Sanjar Usmonov (“Sanjar_Blancos_Loko”) – Bobir Bobomurodov (“Bukhara” – “Buxoro”) 2:2 Sherzod Mirazizov (“Sherzod_Schurrle_Loko”) – Aziz Ergashev (“Mundial” – “Neftchi”) 4:0 Birinchi liga 1-tur: Evgeniy Gorbenko (“Loko_Danc1ng_ace”) – Kazbek Tursinov “FK Aral” 4:1 Ta'kidlab o'tamiz, Oliy va Birinchi liganing ikkinchi tur bahslari 27-28 dekabr kunlari o'tkaziladi.
— deya xabar beradi uff.uz nashri.