“PSJ” klubi yarim himoyachisi Anxel Di Mariya faoliyatini Xitoyda davom ettirishi mumkin. Bu haqida L'Equipe nashri xabar tarqatdi. Manbada aytilishicha, Xitoy klubi vakili futbolchi va uning agenti Jorje Mendesh bilan aloqaga chiqqan. Hozircha aynan qaysi klub ekanligi siri tutilmoqda. Avvalroq, parijliklar ustozi Unai Emeri so'nggi uchrashuvlarda Anxelning o'yinidan norozi bo'layotgani xabar qilingandi. Argentinalik futbolchi 2015 yilning yozida “Manchester Yunayted”dan “PSJ”ga o'tgandi. Ushbu mavsumda 28 yoshli xavbek Frantsiya chempionatining 15ta bahsida maydonga tushib, bitta gol hamda beshta golli uzatmaga mualliflik qilgan.
— deya xabar beradi uff.uz nashri.