Qadrli futbol ishqibozlari «InterFUTBOL» gazetasining seshanba sonida bir-biridan qiziqarli maqolalarni mutolaa qilishingiz mumkin. Esklyuziv materiallar, tahlil va suhbatlar  ham sizni befarq qoldirmaydi degan umiddamiz. Demak, gazetamizning 103-sonida nimalarni o'qish mumkin? - Maydon chorlayotgan marralar Yangi yil arafasida har bir ko'ngil ezgu orzu-umidlar bilan to'lib-toshadi. Kimdir ortda qolgan vaqtda yo'l qo'ygan xatolarini tahlil qiladi, ulardan to'g'ri xulosa chiqarishga intiladi, yangi yilda boshqacharoq yashash va ishlashni diliga tugadi. Boshqa birov esa yangi marralarni egallash uchun aniq maqsad - rejalar tuzadi... - Sanjar Tursunov: «So'nggi bor avgustda maosh olganman» Mavsum oxiriga borib, «Umm Salal» jadvalda beshinchi o'rinni egalladi. Chempionat yakunlanganidan keyin esa Tursunov bilan tuzilgan shartnoma o'zaro kelishuv asosida bekor qilinib, yarim himoyachi erkin agent maqomida yana «Vorskla» qaytdi. Tabiiyki, bu hol klub mutasaddilariga juda ma'qul tushdi. Ammo achinarlisi, jamoa hamon moliyaviy muammolar girdobidan chiqa olganicha yo'q. Futbolchi buni footclub.com portaliga bergan intervyusida ham alohida ta'kidladi. - Oliy liga-2016: kim qancha o'ynadi? To'purarlar, umumiy statistika, eng, eng, eng... - Superkubokka qiziqish nega sust? Ushbu mavsum O'zbekiston superkubogi bahsi o'tkazilmaydigan bo'ldi. Bu haqda yangi mavsumga qur'a tashlash marosimida Professional futbol ligasi rahbari Farhod Magometov ma'lumot berdi. Qaror mazmuni ham mutasaddi tomonidan izohlab o'tildi. - Xayrulla KARIMOV: «Kerak bo'lsa, Rashidovdan ham maslahat olamiz» 2016 yilgi O'zbekiston vitse-chempioni Toshkentning «Bun-yodkor» jamoasi yangi mavsumga tayyorgarlikni davom ettirmoqda. «Qaldirg'ochlar» ilk yig'inni o'z bazalarida o'tkazishayotgan bo'lsa, yanvarda mashg'ulotlar BAAning Dubay shahriga ko'chadi. Tabiiyki, taraddud paytida nazorat uchrashuvlariga ham e'tibor qaratiladi. «Bunyodkor»ning o'ynovchi-murabbiyi Xayrulla Karimov bizga bergan intervyusida tayyorgarlik jarayoni haqida so'z yuritdi. - Uchqun QOBILOV: «Qur'a bizga omadsiz keldi» Yil yakunlari hamda yangi mavsum taraddudi yuzasidan «Dinamo» katta murabbiyi Uchqun Qobilovdan intervyu. - Dekabr dam olish vaqtimi? Bilasiz, albatta, milliy jamoamiz 2 yildan buyon oxirgi oy - dekabrda o'yin o'tkazayotgani yo'q. Lekin bu yilni yakunlab beruvchi 12-oy biz uchun ahamiyatsiz ekanligini anglatmaydi. Odatga ko'ra, qish fasli O'zbekiston futboli uchun ozgina tanaffus va yangi mavsumga tayyorgarlik davri hisoblanadi. Umuman, bu faslda agar yirik turnirlar yoki ularning saralash bahslari o'tkazilmasa, terma jamoalarning uchrashuvlari asosan o'rtoqlik maqomida kechadi. E'tiborli tomoni, oxirgi paytlarda aynan qish fasli Osiyoda rasmiy turnirlar tashkillashtiriladigan muhim pallaga aylanib qoldi... - «Oltin to'p»: Metyuzdan Ronaldugacha «Oltin to'p»-2016 ham Krishtianu Ronalduga nasib etgani barchaga ma'lum. Lekin futbol olamidagi asosiy individual sovrinning 61 yillik tarixida 18ta mamlakat vakili laureatga aylanganini ko'pchilik birdaniga aytib berolmasa kerak. Demak, France Football nashri tomonidan o'tkazilgan jami 61ta referendum (shundan 6tasi FIFA bilan hamkorlikda) bo'yicha ma'lumot bersak, hozirda nemislar va gollandlar hisobida «Oltin to'p»lar soni ko'proq - 7tadan. Umuman, davlatlar bo'yicha sovrin taqsimoti quyidagicha:... - Ustoz uddaburon «sotuvchi» bo'lsa… Gazetamizning avvalgi sonida berilgan «Sarf sovringa arziydimi?» maqolasida Joze Mourino va Karlo Anchelotti kabi murabbiylarning o'z talablariga muvofiq keladigan tarkibni shakllantirish yo'lida futbolchilar xaridi uchun nihoyatda ko'p xarajat qilishlari haqida yozilgandi. Albatta, bundan ko'zlangan maqsad aniq - klub oldiga qo'yilgan vazifalarni bajarish yoxud boshqacha aytganda, muayyan sovrinlarga ega chiqish. Lekin bunday murabbiylar talabga mos tushmagan yoki o'z xohishlari bilan jamoadan ketishni istagan o'yinchilarni yaxshigina narxda sotishni ham uddalashadi. Quyidagi reyting-maqola (manba: Soccer.ru)da barchaga tanish bir qator nomdor murabbiylarning futbolchilarni xarid qilish va sotish borasidagi ishlari haqida ma'lumot olishingiz mumkin. - Chexiyada kashf etilgan Chexiya futboli azaldan «ko'hna qit'a» mamlakatlarini saviyali futbolchilar bilan ta'minlab kelgan. O'ziga xos iqtidorlar bulog'i bo'lmish yurtning ichki birinchiligi Evropaning eng sara 15ta chempionatlari qatoridan o'rin olgan. Undagi ishtirokchilarning umumiy qiymati bo'yicha Chexiya 14-o'rinda bormoqda. Mahalliy klublar safida nafaqat mahalliy futbolchilar, balki qo'shni mamlakatlardan kelgan legionerlar ham to'p surishadi. Quyida sizlarni Chexiyaning birinchi ligasida voyaga etib, yaqin kelajakda kuchliroq chempionatlar jamoalari safida munosib to'p surishga da'vogar yosh iqtidorlar bilan tanishtirishni lozim topdik. - N`Golo KANTE: «Meni Makelele bilan taqqoslash shart emas» APLning yangi yulduzi N`Golo Kante o'z hayoti, bolaligi, «Chelsi» va «Lester»dagi o'yinlari xususida. - Butun millat faxri QAYSI YuRTLARDA JAHON ChEMPIONI BILAN FAXRLANIShLARI MUMKIN? - Xitoycha raqam MESSI UChUN 500 «LIMON». Xitoy futbolidagi eng qiziqarli narsa nima? Hozirda ko'pchilik bu savolga birdaniga va baralla javob beradi - «Albatta, pul-da!» Xususan, Oskarning aqlni shoshirib qo'yadigan transferidan ilhomlangan Soccer.ru sayti bu borada maxsus taftish o'tkazib, masala mohiyatini teranroq tushuntirish uchun xitoycha raqamlarni Rossiya premer-ligasiga daxldor ko'rsatkichlar bilan taqqoslab ko'rdi... - Boxingday – archa ostida sovg'a Angliya futboli jozibasini oshiruvchi omillardan biri - Boxing Day kunlari ham boshlandi. Ushbu qisqa muddatli futbol bayramini qanday atashni ham bilmaysan, kishi. Qarang, Voxing day tufayli jamoalar hattoki, 31 dekabr oqshomida ham maydonga tushishadi! FootballHD.ru sayti shu munosabat bilan bayramoldi kunlariga doir taxminlarni o'rtaga tashladi. Kuzataveraylikchi, bashoratlar nechog'li oqlanarkin?! - «Islandiya» atamasini eshitganda qulog'i yo'q Xojson Angliya terma jamoasi sobiq bosh murabbiyi Roy Xojson Evro-2016dan yarim yil o'tib, inglizlarning Frantsiya maydonlaridagi omadsizliklari haqida gapirishga jazm etdi. Eslatish joiz, 69 yoshli mutaxassis tayyorlagan jamoa  turnirning 1|8 final raundida kamtaringina tuyulgan Islandiya termasiga yutqazishgandi - 1:2.  Xullas, Xojson The Times nashriga bergan intervyusida asosan islandlarga qarshi kechgan o'sha uchrashuv iztiroblari bilan o'rtoqlashdi. Jurnalistlar esa o'z navbatida, savol berishni ortiqcha bilib, uning fikrlarini yozib olishdi va yakunda barchasini joy-joyiga qo'yib, gazetada chop etishdi. - O'z yurtida bayroqdor Tabiiyki, ayni kunlarda yangi yilni munosib kutib olish taraddudi avjiga chiqqan. Shuningdek, an'anaviy sarhisob ishlariga bog'liq qizg'inlik darajasi ham baland. Jumladan Soccer.ru sayti ikki yil almashuvi chog'i muxlislarni Evropa mamlakatlarining bayroqdor futbolchilari bilan alohida tanishtirishni lozim topdi. Boshqacha aytganda, yil yakunlari ko'ra, o'z yurtlarida «Eng yaxshi» maqomini ko'p marta olishgan laureatlarga e'tibor qaratdi. - Fenomenal Mertens yoxud neapolning yangi kumiri «NAPOLI» FUTBOLChISI 3ta O'YINDA 8ta GOL URDI. Ha, Neapol klubi yarim himoyachisi Dris Mertens qandaydir mo''jiza ko'rsata boshladi. Belgiyalik «kichkintoy» «A» seriyasining 16-18-turlarida, ya'ni ketma-ket 3ta o'yinda raqiblar darvozasini naq 8 marta nishonga olib, barchaning e'tiborini o'z tomoniga burdi. - Maktubingizni oldik: SARHISOB Agar yil yakunin etsak sarhisob, Futbol borasida bo'lar bir kitob. Dastlab yil boshini a'lo o'tkazdik, Menimcha, o'shanda ko'p kuch ketkazdik. Charchoq alomati ayni kuz chog'da, Eron va Koreya qoldirdi dog'da... HAMIShA BIRGA BO'LAYLIK AZIZLAR!!!
— deya xabar beradi uff.uz nashri.