«Lokomotiv» klubi etakchilari — Timur Kapadze, Ignatiy Nesterov, Ma'mur Ikromov, Sanjar Shoahmedov hamda Oleg Zoteev bugun «Toshkent Siti» bolalar jamoasini taqdirlash marosimida ishtirok etishdi. «Toshkent Siti»ning 2006 yilda tug'ilgan tarbiyalanuvchilari Shahar chempionatida birinchi o'rinni egallashdi. Shu munosabat bilan «Versal» restoranida yosh futbolchilarni taqdirlash marosimi o'tkazildi va bunda mehmon sifatida O'zbekistonning amaldagi chempionlari — «Lokomotiv» futbolchilari ham taklif etildi. Bolakaylar «Loko» yulduzlarini ko'rib xursand bo'lishdi, bunda ota-onalarning ham boshi ko'kka etdi. Futbolchilarimiz so'zga chiqib, «Toshkent Siti»ni qo'lga kiritilgan yutuq bilan tabriklashdi hamda yosh futbolchilarga katta bo'lgach yaxshi futbolchi bo'lishlarini tilashdi.  
— deya xabar beradi uff.uz nashri.