Ayni payt o'z finish marrasiga etib kelgan yilimiz sport musobaqalariga juda boy bo'ldi. Sababi, sportda  - sanog'i  “toq” va “juft” yillar atamasi bor. Juft yillarda yirik turnirlar o'tkaziladi.  Ishqibozlar jarida boshidan futzal bo'yicha termamizni g'alabali yurishlariga guvoh bo'ldilar. Buyog'iga, Frantsiyada “kichik mundial” deya ataluvchi  Evropa chempionati barchaning nigohini yashil maydonlarga qadadi.
Olimpiyachilarimizning Riodagi zalvorli ishtiroki esa yoshu-qarini yoppasiga sport ixlosmandiga aylantirdi-qo'ydi, qarang. Ko'ksiga eng toza medallar qadagan chempionlarimizni  xalq qahramonlariga aylantirgan yil, bu. Qisqasi, bu yil mehnatlar o'z samarasini berib  “medallar qopimiz” liq to'ldi, hisob.
So'ng futbol bo'yicha milliy terma jamoamiz saralash bahslariga kirishdi va avvaliga qator g'alabalarni qo'lga kirita boshladik.  Biroq, so'ngi ikkita o'yin biroz dilimizni xira qildi. Yangi yildan ishqibozlarning umidi katta. Ularning eng ezgu tilagi esa termamizni mundialda ko'rishdir.
E'tiboringizga, yurtimizning turli burchaklarida yashovchi futbol ishqibozlarining yangi yil tilaklarini havola etamiz.
    
Abdumajid Qodirov, Qoraqalpog'iston, Xo'jayli tumani
Oliy ligamizdan biror yangilik kutish qiyin. Qur'a tashlanib bo'lindi, 1-liga har doimgidek. Lekin, milliy termamizdan yaxshi natija kutaman. Ular saralash guruhida  kamida 3-o'rinni olib,  mundialga pley-off orqali bo'lsada chiqsin (1-2 o'rinni olish esa qiyindek tuyulmokda).
Yurtdoshlarimga tilaklarim esa Yangi yil oilangizga tinchlik-xotirjamlik, sog'lik-salomatlik, omad, quvonch keltirsin. Qalbingizda o'ylagan barcha ezgu niyatlaringiz amalga oshaversin.  Vatanimiz tinch, xalqimiz omon, osmonimiz musaffo bo'lsin.
Bahromjon Isaqov, Farg'ona
Yangi  yil, yangi mavsumda oliy liga barkaror ligaga aylansa va albatta xakamlar xolisligiga shubha kolmasa, shunda muxlislar hakikiy futboldan bahra oladilar.
Kirib kelayotgan yangi yil barcha-barchamizga omad olib kelsin! Futbolimizdagi biz orzu kilgan tilak:  Mundial eshiklari ochilsin!
Alisher Norboboev (“ALBARS”), Termiz
Yangi yilning nomiga bir,
Qilingizlar juda diqqat..
Inson manfaatlari va
shu xalq bilan muloqot...
Tabriklab bayram bilan,
Bitib tabrik bahona,
Deyman sayt "vaqir-vuqur" ,
"Qaynasin qozondek" yana..
Kirib qolsam sayt - kimsasiz
O'yingohdek huvvillaydi...
Qachon sayt, adminjonlar,
"Nou Kamp"dek guvillaydi?
Buling omon, saytda yana,
Bulsin yana qizg'in bahslar..
Saytga qaytsin baxslarda,
Tanilgan ko'p yuzer-shaxslar.
O'qir edik ko'p fikrni,
Tanqid, tahlil ,futbol sharxin,
Bilisharda yuzerlar xam,
"Futbol"dan bu futbol farqin.
Osib quying futbol to'pin,
Bezayotgan archangizga...
Qutlug' kelsin yangi bu yil,
Yurdoshlarim barchangizga! Elmurod Ermatov, Andijon
— deya xabar beradi uff.uz nashri.