Angliya chempionatining 19-turidan o'rin olgan “Manchester Yunayted” hamda “Midlsbro” klublari o'rtasidagi uchrashuv o'z nihoyasiga etdi. Unda 2:1 hisobi qayd etilib, mankunianliklarning g'alabasi bilan yakunlandi. Dastlabki bo'limda “MYu“da bir qator qulay vaziyatlar bo'ldi va hatto Ibrohimovich gol ham kiritgandi, biroq ofsayd tufayli u inobatga olinmadi. Ikkinchi bo'limning 67-daqiqasiga kelib esa Lidbitter mehmonlarni hisobda oldinga olib chiqishga muvaffaq bo'ldi. “Yunayted“ vaziyatni o'nglashga otlandi, biroq, uzoq vaqt davomida raqib darvozasini ishg'ol etolmadi. Shunday bo'lsada, Mourino shogirdlari bir daqiqa ichida o'yin taqdirini hal etishdi. Avvaliga Marsyal javob golini kiritgan bo'lsa, Pol Pogba raqib darvozasiga ikkinchi golni kiritib, yakunda “MYu“ga g'alabani taqdim etdi. Shu tariqa, “Manchester Yunayted” o'zida “Midlsbro” ustidan irodali g'alabaga erishdi. Angliya chempionati
19-tur Manchester Yunayted – Midlsbro 2:1 (0:0, 2:1)
Gollar: 0:1 – 67 Lidbitter, 1:1 – 85 Marsyal, 2:1 – 86 Pogba.
Manchester Yunayted – De Xea, Valensiya, Smolling (Reshford, 72), Bayi, Blind (Roxo, 64), Fellayni (Mata, 64), Errera, Pogba, Mxitaryan, Marsyal, Ibragimovich.
Midlsbro – Valdes, Chembers, Frend, Espinosa, Gibson, de Ron, Lidbitter (Kleyton, 78), Traore (Fabio, 82), Forshou, Dauning (Ramires, 63), Negredo.
Ogohlantirishlar: Blind (57), Chembers (90).
— deya xabar beradi uff.uz nashri.