Angliya chempionatining 11-turidan o'rin olgan “Chelsi” hamda “Liverpul” klublari o'rtasidagi uchrashuv o'z nihoyasiga etdi. Unda 1:3 hisobi qayd etilib, mersisaydliklarning g'alabasi bilan yakunlandi. Dastlab, o'yinning 4-daqiqasidayoq Ramires londonliklar hisobda oldinga olib chiqqa bo'lsada, keyinchalik “Liverpul” tashabbusni o'z qo'liga olib, muvozanatni tiklashga otlandi va birinchi bo'limga qo'shib berilgan vaqtda Koutino ajoyib zarba bilan javob golini kiritdi – 1:1. Ikkinchi bo'limning 74-daqiqasiga kelib yana Koutino Begovich darvozasiga ikkiinchi golni kiritdi. Zahiradan maydonga tushgan Kristian Benteke hisobni 1:3 ko'rinishga olib keldi. Shu tariqa, Yurgen Klopp “Liverpul” bosh murabbiyi sifatida Angliya chempionatidagi ilk g'alabani tantana qildi. Angliya chempionati, 11-tur Chelsi – Liverpul 1:3 (1:1, 0:2)
Gollar: 1:0 – 4 Ramires, 1:1 – 45 Koutino, 1:2 – 74 Koutino, 1:3 – 83 Benteke.
Chelsi – Begovich, Keyxill, Aspilikueta (Falkao, 76), Zuma, Terri, Ramires, Obi Mikel (Fabregas, 70), Oskar, Villian, Azar (Kenedi, 59), Diego Kosta.
Liverpul – Minole, Shkrtel, Moreno, Klayn, Sako, Lallana, Milner (Benteke, 64), Koutino, Jan, Firmino (Ayb, 76), Leyva.
Ogohlantirishlar: Koutino (24), Leyva (58), Jan (65), Obi Mikel (66), Benteke (86).
— deya xabar beradi uff.uz nashri.