Ispaniya Kubogi 1/8 finalidan o'rin olgan «Real Madrid» – «Sevilya» uchrashuvi o'z nihoyasiga etdi. Unda madridliklar raqiblariga hech qanday imkon qoldirmadilar va javob o'yini oldidan yaxshi natijaga erishdilar. Uchrashuvning 11-daqiqasida Xames Rodriges hisobni ochgan bo'lsa, 29-daqiqada Rafael Varan xisobni oshirdi. Birinchi bo'lim yakunlanayotgan bir vaqtda Xames Rodriges penaltini ko'kka sovurmadi va hisobni yirik ko'rinishga olib keldi. Shu tariqa hisob o'yin so'nggiga qadar o'zgarmadi. Ispaniya Kubogi. 1/8 final. Ilk uchrashuv Real Madrid – Sevilya 3:0  Gollar: 1:0 – 11 Xames, 2:0 – 29 Varan, 3:0 – 44, penalti Xames. Real Madrid – Kasilya, Varan, Marselo, Karvaxal, Nacho, Kroos, Kazemiro, Xames (Danilo, 79), Modrich, Asensio (Isko, 67), Morata (Dias, 83). Sevilya – Riko, Merkado, Eskudero, Mariano, Rami, Korrea (Ben-Yedder, 82), Vitolo, Ganso (Sarabiya, 46), Iborra (Kranevitter, 59), Nasri, Nzonzi. Ogohlatirishlar: Iborra (24), Ganso (26), Marselo (42), Karvaxal (42), Merkado (43), Vitolo (83).
— deya xabar beradi uff.uz nashri.