"Chelsi" bosh murabbiyi Antonio Konte "Tottenxem"ga qarshi kechgan uchrashuvdagi 0:2 hisobidagi mag'lubiyat haqida fikr bildirdi.
"Biz mag'lubiyatdan xafamiz, ammo 13 ta o'yindan iborat g'alabadan xursand bo'lishimiz lozim. Bunday natijaga Angliyada erishish juda qiyin. Bugun biz kuchli raqibga engildik, "Tottenxem" o'tgan yili oxiriga qadar chempionlik uchun kurashganini unutmaylik. Pochetino bir necha yil davomida kuchli jamoa shakllantira oldi.
Endi biz barchasini boshidan boshlashimiz lozim. Shunga qaramay bugungi mag'lubiyat sentyabrda uchralganidan farq qiladi. U vaqtda bizni yahlit kuchga ega jamoa deb atash qiyin edi. Bugun esa biz yagona kuch bo'la olishimizni isbotlay oldik. Bu juda muhim", - deydi Konte.
— deya xabar beradi uff.uz nashri.