"Inter" sardori Mauro Ikardi sobiq bosh murabbiyi Frank de Bur vaqtida ichki muhit juda yomon bo'lganini aytib o'tdi.
"De Bur vaqtida jamoadagi muhit chidab bo'lmas darajaga kelib qolgan edi. Maydonga tushmaydigan futbolchilar norozi edi va g'alabaga erishilgan vaqtda ham jamoa bilan birga uni nishonlamas edi.
Pioli kelgach vaziyat o'zgardi. Hatto maydonga tushmayotganlar ham g'alabaga hissa qo'shganini sezib turibdi va o'zini jamoaning bir bo'lagi sifatida his qilmoqda.
Pioli "Inter"dagi ruhiyatni o'zgartira oldi", - deydi Ikardi.
Eslatib o'tamiz, "Inter" mavsum boshlanishi oldidan Roberto Manchinini iste'foga chiqarib, o'rniga Frank de Burni olib kelgan edi. Ammo jamoa 14 o'yinda 7 ta mag'lubiyatga uchragach, u ham iste'foga chiqarildi va o'rniga Stefano Pioli keldi.
— deya xabar beradi uff.uz nashri.