«Manchester Yunayted» klubi darvozaboni David De Xea jamoaning ushbu mavsumdagi eng yaxshi futbolchisi hujumchilardan biri yoki o'zidan boshqa o'yinchi bo'lishiga umid qilmoqda. Ispaniyalik posbon shu kungacha uch bor «Manchester Yunayted»ning mavsumdagi eng yaxshi futbolchisi deb topilgan. «Ushbu sovrinni hujumchi yoki boshqa futbolchi yutishini xohlayman. Bu esa jamoa yaxshi va hujumkor o'ynaganini anglatadi. Agar 3:0 yoki 4:0 hisobida g'alabaga erishadigan bo'lsak va men to'pga deyarli tegmasam, bu men uchun ideal o'yin bo'lar edi. Bu mavsumda bizning himoya darvoza oldida xavfli vaziyatlar ko'p bo'lishiga yo'l qo'ymayapti, jamoa juda diqqatli harakat qilmoqda. Bu mavsumda men jismoniy jihatdan emas, ruhiy tomondan ko'proq charchayapman», — deya De Xea so'zlarini keltirmoqda United Review nashri.
— deya xabar beradi uff.uz nashri.