“Seltik” klubi hujumchisi Mussa Dembele faoliyatini Angliya chempionatida davom ettirishi mumkin. Daily Mail nashrining ma'lumotiga ko'ra, “Vest Xem Yunayted” frantsiyalik futbolchi uchun 20 million funt taklif qilgan. Xabar qilinishicha, 20 yoshli futbolchini londonliklar ustozi Slaven Bilichning shaxsan o'zi jamoasida ko'rishni istaydi. Shunday bo'lsada, “Seltik” ayni damda Dembele bilan xayrlashish niyatida emas va katta ehtimol bilan “Vest Xem”ning taklifini rad etadi. Joriy mavsumda hujumchi Shotlandiya chempionatining 20ta bahsida to'qqizta gol kiritgan.
— deya xabar beradi uff.uz nashri.