«Manchester Yunayted» klubi bosh murabbiyi Joze Mourino APL navbatdagi turidan o'rin olgan «Liverpul»ga qarshi kechadigan uchrashuv oldidan o'z fikrlari bilan o'rtoqlashdi. ««Liverpul»ga qarshi kechadigan o'yin «MYu» uchun muhimdir. Agar jamoa ishtiyoq bilan harakat qilsa, muxlislar buni his etadilar va ular bizga qo'shilib yakka kuchni tashkil qiladilar. Ammo biz bor kuchimiz bilan harakat qilmasak, ishqibozlar buni ham sezadilar. Bizning muxlislar ajoyib, ular bizni doim olg'a borishga undaydilar. Katta o'yinlar barchaga yoqadi. Yakshanba kunidagi bahs ana shunday o'yinlar sirasiga kiradi», — deya Mourino so'zlarini keltirmoqda BBC Sport nashri. APL 21-turidan o'rin olgan «MYu» – «Liverpul» uchrashuvi 15 yanvar kuni Manchesterda bo'lib o'tadi.
— deya xabar beradi uff.uz nashri.