«Fenerbaxche» bosh murabbiyi Dik Advokat rossiyalik hamkasblarimiz bilan bo'lgan suhbat chog'ida «Zenit»da ishlagan kezlari, Sankt-Peterburgga kelishni xohlamagani va boshqa ma'lumotlarga batafsil to'xtaldi. Mazkur intervyuning eng e'tiborli holatlari diqqatingiz markazida. - «Zenit»ga taklif etishgani haqida gapirsangiz... - Konstantin Sarsaniya o'sha paytda klub murabbiyi va agenti, janob Fursenko prezidenti edi. Men esa Janubiy Koreya milliy termasi boshqaruvida Germaniyadagi JChga tayyorgarlik ko'rayotgandim. «Zenit» vakillari bilan ilk uchrashuvimiz Gollandiyadagi aeroportda bo'lib, o'shanda ichki ovoz «Bunday qilma!» deyotgandek edi. Ammo Fursenko Sankt-Peterburgga borib, shaharni ko'rib, infratuzilmani ko'zdan kechirgach, yakuniy qarorga kelishimni so'radi. Bordim, ko'rdim. O'sha paytdagi baza bilan hozirgisining o'rtasida juda katta farq bor. Ob-havoning sovuqligi cho'chitdi, natijada yakuniy to'xtamga kelishim yanada qiyinlashdi. Fursenkoga hammasi yaxshi ekani, lekin oilam bilan maslahatlashishim lozimligini aytdim. Yaqinlarim esa ushbu taklifni qabul qilmasligim tarafdori edilar, bundan «Zenit» rahbarini xabardor etdim. Lekin ular yana bir bor Amsterdamga borishdi, gaplashdik va bir yillik shartnomaga imzo chekdim. Asta-sekin jamoani yuqoriga ko'tardik, dastlabki mavsumda 5-o'rinni egallab, kelajakka poydevor qo'ydik. Deyarli hamma narsani o'zgartirdik. Masalan, eskirib qolgan bazani. Rahbariyatning har tomonlama qo'llab-quvvatlayotgani quvonarli edi. Infratuzilma tubdan yaxshilandi. Homiylar yangi va qulay samolyot ajratishdi. - 2007|2008 yillar mavsumidan umid katta edi, lekin start omadli kechmadi... - «Zenit»ga kelganimda jamoa chempionatda 9-o'rinni egallab turgandi. Klub kuchli etakchiga ehtiyoj sezayotgandi. Qandaydir o'zgartirish kiritishimiz kerak edi. Juda qiyin bo'lgan, hattoki, ketish haqida ham o'ylagandim. Jamoada har xil futbolchilar o'ynashardi: ruslar, xorijliklar - ular o'zlarini eng yaxshi deb hisoblashardi, aslida esa bunday emasdi. Shubhasiz, barchasi iqtidorli edi, lekin bizning talabimizga to'g'ri kelmasdilar. Ziryanov, Shirokov, Timoshukni sotib oldik, ayrimlar bilan xayrlashdik. Muayyan tizimda ishladik, unga esa hamma o'yin-chilar ham moslasha olmasdilar. Noxush vaziyatlar bo'lgan: «Dinamo»ga qarshi bahsda 2:4 hisobida yutqazganimiz hamon esimda. O'shanda rahbariyat menga shunday degandi: «Yaxshi, tizim va ayrim futbolchilarni o'zgartiramiz». Hech qancha muddat o'tmay, yana «Dinamo» bilan o'ynab, 9:3 hisobida zafar quchdik. Shu tariqa barcha o'yinchilarimizda o'z kuchlariga ishonch paydo bo'ldi. - Keyin chempionat yakunigacha muvaffaqiyatli qatnashdinglar... - Ha, ajoyib o'yinlar ko'rsatdik. Ishqibozlar safardagi uchrashuvlarimizga ham borishdi, o'z maydonimizdagi bahslarniku gapirish shartmas. - Ramenskiydagi o'yin-chi, o'shanda nima bo'lgandi? - Ushbu uchrashuvning biz uchun naqadar muhimligini bilardik. Chempionatning so'nggi turida g'alaba qozonishimiz shart edi. O'z navbatida, «Spartak» g'alaba uchun «Saturn»ga 2 million dollar va'da qilganidan xabarimiz bo'lgan. Shu bois, o'yin asabiy ruhda kechdi. Raqib bosh murabbiyi- (Gadji Gadjiev)ning yuz ifodasini hozirgacha eslayman, bizni mag'lubiyatga uchratishni xohlayotgani shundoq ko'rinib turardi. Ammo o'sha mavsum jamoamiz kuchliroq edi. - UEFA kubogi finalidagi «Glazgo Reynjers»ga qarshi bahsdan nima kutgandingiz? Davomi Interfutbol.uz saytida.
— deya xabar beradi uff.uz nashri.