Xitoy chempionatida legionerlarga qo'yilgan limit kuchaytirildi. Endi maydonda bir vaqtning o'zida faqat uch nafar xorijlik futbolchi to'p surishi mumkin.
Uchrashuvlarga beriladigan 18 futbolchidan iborat ro'yxatga 5 nafar legioner kiritilishiga ruxsat beriladi. Shuningdek qaydnomadan 2 nafar 23 yoshgacha bo'lgan futbolchi ham joy olishi va ulardan biri asosiy tarkibda maydonga tushishi shart.
Xabar qilinishicha, Xitoy futbol federatsiyasining bunday qaror qabul qilishiga hukumat tomonidan berilgan ko'rsatma sabab bo'lgan. Yangi cheklov hozircha rasman xabar qilinmagan, ammo federatsiya klublarga bu haqida ma'lum qilib ulgurgan.
Ilgari legionerlar limiti quyidagicha edi - qaydnomaga Osiyodan bir va boshqa qit'alardan 4 nafar legioner kiritilishi mumkin bo'lgan. Maydonda esa bir vaqtning o'zida Osiyodan bir va boshqa qit'alardan 3 nafar o'ynashi mumkin bo'lgan.
Eslatib o'tamiz, Xitoy chempionatida yangi mavsum 2017 yilning 4 martida boshlanadi.
— deya xabar beradi uff.uz nashri.