Har bir inson bolaligida qaysidir kasbni egallashini orzu qiladi. Biroq, xamisha ham o'ylaganlarimiz amalga oshavermaydi. Yillar o'tib, boshqa sohaga qiziqishimiz ortib, bolalikdagi orzularimiz sarobga aylanadi. Jahon tan olgan futbol yulduzlarining ham bolaligida o'z orzulari bo'lgan ekan. Izlanishlarim oqibatida, bu borada qiziqarli ma'lumotlarni to'plagan edim. Shuni sizning hukmingizga havola qilmoqchiman. Afrika futboli faxrlaridan biri Dide Drogba bolaligida shifokor bo'lishni orzu qilardi. «Odamlarni davolash - oliyjanob ish», derdi u. Lekin uning amakisi - Frantsiya 2-divizionlarida to'p surgan Mishel Goba jiyanini futbolga qiziqtiradi va oxir-oqibat u futbolchi bo'ladi. Drogba balki shifokor bo'lganida ham o'z kasbining ustasiga aylangan bo'larmidi. Yana kim biladi deysiz? Braziliyalik Aleshandro Pato yoshligida fizioterapevt kasbini egallashni orzu qilardi. U bolaligida qo'lini sindirib oladi. Suyak qayta tiklangach, rentgendan qo'lda qandaydir o'simta paydo bo'lgani aniqlandi. Shifokorlarning o'simta kattalashib borishi va 1-2 oyda tuzatib bo'lmas darajaga etishishini aytishadi. Aleshandroning oilasi jiddiy operatsiyaga pul to'lashga qodir emasdi. Oilaning baxtiga, yaxshiyamki, sahovatli inson chiqib qoladi. Ya'ni Aleshandroning otasiga qadrdon do'st bo'lgan vrach Paulu Roberto Mussi operatsiya xarajatlarini o'z bo'yniga oladi va amaliyotni ham o'zi o'tkazdi. Ha, agarda Mussi vaqtida sahovat ko'rsatmaganida, bugunda Aleshandroning taqdiri qanday bo'lardi, buni aytish mushkul. Shifokorlarning beminnat yordami 10 yoshli bolakayga qattik ta'sir qiladi. U xatto qasam ham ichadi: agarda futbolchi bo'lolmasa, albatta shifokor bo'lishi xususida. Davomi Furqat Yusupov blogida.
— deya xabar beradi uff.uz nashri.