«Tottenxem» klubi bosh murabbiyi Maurisio Pochettino Xitoy klublarining transfer bozoridagi siyosati va buning jamoasiga ta'siri borasida o'z fikrlarini bildirib o'tdi. «Xitoyliklarning aqlbovar kilmas pullari, xuddi bozorni portlatib yuboradigandek tuyuladi. Agar mening yigitlarimga ham bunday miqdordagi pullarni taklif etgan bo'lsalar, bu aqlga sig'mas ish bo'lardi, ammo ko'ramiz voqealar qanday rivoj topar ekan. Biz barchamiz birga bo'lishni istaymiz, har bir futbolchi – bu «Tottenxem» oilasining bir bo'lagi. Bizning jamoada juda yaxshi atmosfera shakllangan. Bizda ajoyib muxlislar, o'yinchilar va xodimlar mavjud. Mashg'ulotlarda tinmay mehnat qilmoqdamiz va sovrinlar yutib olish uchun oxirigacha kurashamiz», – deydi Pochettino.
— deya xabar beradi uff.uz nashri.