“Manchester Yunayted” klubi rahbariyati Madridning “Atletiko” jamoasi darvozaboni Yan Oblakni kuzatib bormoqda. AS nashrining ma'lumotiga ko'ra, mankunianliklar David de Xea “Real” jamoasiga o'tib ketadigan bo'lsa, 24 yoshli sloveniyalik posbonni sotib olishlari mumkin. Shunga qaramay, “MYu“ rahbarlari de Xeani saqlanib qolish niyatidalar. 26 yoshli ispaniyalik futbolchiga amaldagi shartnomani uzaytirish taklifi tushgan. Ushbu mavsumda Oblak Ispaniya chempionatining 15t bahsida ishtirok etib, ularda 13 gol o'tkazgan. De Xea esa APLning 21ta o'yinida 20ta gol o'tkazib yuborgan.
— deya xabar beradi uff.uz nashri.