Mavsumga tayyorgarlikni Toshkentda olib borayotgan “Navbahor” tarkibi bugun yana bir yangi futbolchi hisobiga to'ldirildi. “Paxtakor” jamoasidagi ishtiroki bilan yaxshi tanish bo'lgan yarim himoyachi Oybek Qilichev “Navbahor” safidagi mashg'ulotlarni boshladi.
1989 yilning 17 yanvarida tug'ilgan yarim himoyachi 2016 yilgi mavsumni Malayziyaning “Perak” klubi safida o'tkazgandi. Faoliyatini 2007 yili Toshkentning “Traktor” jamoasida boshlagan futbolchi keyinchalik “Paxtakor” sharafini himoya qilgan. 2014 yili Birlashgan Arab Amirliklarining “Al Shaab” klubida to'p surgan Qilichev 2015 yili Eronning “Paykan” klubida faoliyat olib bordi.
O'tgan mavsum birinchi yarmini “Paxtakor”da o'tkazib, Malayziyaga yo'l olgandi. Tez orada Oybek “Navbahor” a'zosiga aylanishi mumkin.
— deya xabar beradi uff.uz nashri.