Yangi mavsumga tayyorgarlik doirasida bugun, 19 yanvar kuni Navoiyda mahalliy «Qizilqum» jamoasi mehmoni bo'lgan «Dinamo» jamoasi nazorat uchrashuvida mag'lubiyatga uchradi. Qayd etish joiz, bahs o'rtoqlik o'yini maqomida bo'lsada, har ikki jamoa ham maydonda keskin kurash olib bordi. Ilhom Sharipov singari, «Qizilqum» bosh menejeri Hamid Aktamov ham shu kuni bir qator futbolchilarni sinovdan o'tkazdi. Shu kuni navoiyliklar safida sobiq «dinamochilar»lardan Erkin Boydullaev, Ilhom Yunusov, Otabek Zokirovlarni ko'rish mumkin edi. Shiddatli kechgan uchrashuvning dastlabki daqiqalaridan maydonda tengkurash kuzatilan bo'lsada, yarim soatlikdan so'ng mezbonlar tajriba bobida ustun ekanliklarini ko'rsatishdi. Ayniqsa, «Qizilqum» maydon markazida Erkin Boydullaev, Ilhom Yunusov, Mansur Saidov, Jasur Hasanov singari futbolchilari evaziga ustunlik o'rnatdi. Shunga qaramay, samarqandlik yoshlardan iborat «Dinamo» jamoasi tajribali raqibga munosib qarshilik ko'rsatishga intildi. O'yinning 30-daqiqasida chap qanotdagi faol harakatlari evaziga Jasur Hasanov hisobni ochishga erishdi, 1:0. Bahs davomida qo'pol o'yini uchun har ikki jamoadan – Erkin Boydullaev va Komil Sharofutdinovga qizil kartochka ko'rsatilgan bo'lsada, murabbiylarning qarori bilan ular yana to'p surishda davom etishdi. Ikkinchi bo'limda Ilhom Sharipov to'liq tarkibni o'zgartirgan bo'lsada, mezbonlar bir qator o'zgarishlarga qo'l urishdi, xolos. O'yin davomida vakillarimizda ham hisobni o'zgartirish uchun vaziyatlar yuzaga kelgan bo'lsada, bundan foydalana olishmadi. Navoiy jamoasi esa ikkinchi bo'limda hujumchi Azamat Allaniyozovning goli evaziga o'yinda 2:0 hisobidagi g'alabaga erishdi. Eslatib o'tamiz, «Dinamo» bungacha safarda «So'g'diyona» (0:0) va «Mash'al» (0:1) bilan nazorat bahslari o'tkazgan edi. Nazorat uchrashuvi. 19 yanvar. Navoiy. «QIZILQUM» - «DINAMO» - 2:0 Gol: Jasur Hasanov 30, Azamat Allaniyozov 80. Hakamlar: Rustam Bobomurodov, Ruslan Samandarov, Nodirjon Boltaev (barchasi Navoiydan). «Qizilqum» (1-bo'lim): Umid Xonimqulov, Shukurali Po'latov, Azizbek Usmonov, Fayzullo Qambarov, Akmal Rustamov, Erkin Boydullaev, Mansur Saidov, Ilhom Yunusov, Jasur Hasanov, Otabek Zokirov, Azamat Allaniyozov. Ikkinchi bo'limda maydonga tushganlar: Erkin Jabborov, G'ayrat Jumaev, Samandar Shodmonov, Esojon Fozilov, Viktor Grigorev, Sherali Jo'raev. «Dinamo» (1-bo'lim): Rustam Toshturdiev, Hakimxon A'lamxonov, Bunyod Isroilov, Firdavs Abdusalimov, Mirkomil Lokaev, Akmal Bozorov, Komil Sharofutdinov, Jasur Azimov, Jasur Qurbonov, Jonibek Ko'chimov, Amirjon Safarov. «Dinamo» (2-bo'lim): Shuhrat Murodov, Nurbek Safarov, Lazizjon Nuriddinov, Ubaydullo Nabiev, Omadjon Tayloqov, Jasur Ashurov (Azimbek Nizomov), Timur Fayzullaev, Islom Sharipov, Ramish Bobomirzaev, Asomiddin Mamatov, Muhammadjon Rajabov. Chetlatishlar: Erkin Boydullaev 32 – Komil Sharofutdinov 32
— deya xabar beradi uff.uz nashri.