Germaniya chempionati 17-turidan o'rin olgan «Verder» – «Borussiya D» uchrashuvi yakunlandi. Ushbu uchrashuvda dortmundliklar «Verder»ni qiyinchilik bilan taslim etdilar. Uchrashuvning 5–daqiqasidayoq Andre Shyurrle «Borussiya»ni oldinga olib chiqdi. 39–daqiqada mezbonlar darvozaboni Yaroslav Drobni hakam tomonidan qizil kartochkaga loyiq ko'rildi. Bremenliklar ikkinchi bo'limni kamchilik bo'lib boshlagan bo'lsalarda 59–daqiqada gol kiritishga muvaffaq bo'ldilar, Fin Bartels muvozanatni tiklagan golga mualliflik qildi. Uchrashuvning 71-daqiqasida mehmonlar vakili Lukash Pishchek o'yindagi yakuniy hisobni o'rnatdi. Shu tariqa dortmunliklar klubi navbatdagi uch ochkoni qo'lga kiritdi. Germaniya chempionati, 17-tur Verder – Borussiya D 1:2  Gollar: 0:1 – 5 Shyurrle, 1:1 – 59 Bartels, 1:2 – 71 Pishchek. Verder – Drobni, Sane, Garsiya, Bauer, Moysander, Bartels, Fritts (Kaynts, 80), Dileyni, Gnabri (Velkovich, 27), Pisarro (Vidvald, 42), Kruze. Borussiya D – Vaydenfeller, Papastatopulos, Shmeltser (Durm, 46), Pishchek, Ginter, Shyurrle, Pulishich, Kagava, Kastro (Gerreyru, 70), Roys (Dembele, 70), Vaygl. Ogohlantirishlar: Bauer (19), Shyurrle (43), Dileyni (76), Garsiya (84). Chetlatish: Drobni (39).
— deya xabar beradi uff.uz nashri.