"Bavariya" yarim himoyachisi Arturo Vidal ikki-uch hafta davomida maydonga tushmay turmoqchi. Yarim himoyachi Germaniya chempionati 17 turida qovurg'asidagi jarohati tufayli "Frayburg"ga qarshi o'ynamagan edi.
"Men o'zimni yomon his qilmoqdaman, qovurg'amda kuchli og'riq bor. Endi kamida ikki-uch hafta maydonga tushmay turishim lozim. Chunki hozirgi holatimda o'ynay olmayman.
Faqat shunda to'liq o'zimga kelib olishim mumkin", - deydi Vidal.
Eslatib o'tamiz, Arturo Vidal Germaniya chempionati 17 turiga qadar 15 ta uchrashuvda maydonga tushgan va bitta gol kiritgan.
— deya xabar beradi uff.uz nashri.