"Chelsi" yarim himoyachisi Sesk Fabregas "Xall Siti"ga qarshi kechgan uchrashuvdagi 2:0 hisobidagi g'alaba haqida fikr bildirdi. Ispaniyalik yarim himoyachi 71 daqiqada maydonga tushgan va Gari Kexillga golli uzatmani amalga oshirgan edi.
Fabregas Angliya chempionatining so'ngi uch turida zaxirada qolyapti va ikkinchi bo'limda maydonga tushmoqda.
"Maydonga tushmagan vaqtimda xafa bo'laman. Bunday vaqtda xursand bo'lishga asos yo'q, ammo jamoa g'alabaga erishayotganidan ko'nglim to'lmoqda.
Futbol - mening hayotim, u men uchun hamma narsadan iborat. Har safar maydonga tushganda eng yaxshi o'yinimni namoyish etishga intilaman. Bu o'yinda ham o'zimni ko'rsatishga muvaffaq bo'ldim. Shu sababli oldinga intilishda va murabbiyga asosiy tarkibga munosibligimni isbotlashda davom etishim lozim", - deydi Fabregas.
— deya xabar beradi uff.uz nashri.