Birlashgan arab amirliklarining Abu-Dabi shahrida 23 yanvar kuni Osiyo Kubogi–2019 turnirining rasmiy logotopi namoyish etildi. Musobaqa logotipida 2019 yilgi Osiyo Kubogi mezboni bo'lmish BAAning davlat bayrog'i – qora, yashil, qizil va oq ranglardan foydalanilgan. Rangli lentalar o'zaro bog'langan holda BAAdagi ettita amirlik ramzi sifatida  oltiburchak shaklida yasalgan. Shuningdek, Abu-Dabida Osiyo Kubogi–2019 saralash bosqichiga qur'a tashlash marosimi bo'lib o'tdi. Unda 24 terma jamoadan 12 tasi Osiyo Kubogi–2019 final bosqichiga yo'llanma olish uchun saralash bosqichidan o'tadi. Saralash bosqichi uchrashuvlari 2017 yilning 28 mart kuni start oladi va 2018 yilning 27 mart kuni yakuniga etadi. JCh–2018 turniriga ikkinchi saralash bosqichidan o'tib, ayni vaqtda Osiyo qit'asidan uchinchi saralash bosqichida ishtirok etayotgan Eron, Janubiy Koreya, O'zbekiston, Suriya, Qatar, Xitoy, Saudiya Arabistoni, Yaponiya, Avstraliya,  BAA, Iroq va Tailand terma jamoalari Osiyo Kubogi–2019 final bosqichiga yo'llanmani qo'lga kiritib bo'lgan bo'lgan. Osiyo Kubogi–2019 turniri 5 yanvar — 1 fevral kunlari BAAning Dubay, Abu-Dabi, Al-Ayn va Sharja shahridagi stadionlarda bo'lib o'tadi.
— deya xabar beradi uff.uz nashri.