Mini futbol bo'yicha XIII O'zbekiston chempionati davom etmoqda. Bugun ham chempionat dastlabki bosqichining 1-tur doirasidagi 4ta uchrashuv bo'lib o'tdi. “Sevinch” Toshkentning “Paxtakor W” jamoasiga qarshi maydonga tushdi. Uchrashuv juda qiziqarli boshlandi. 5-daqiqada “Sevinch” o'z darvozasidan gol o'tkazib yubordi. “Paxtakor W” o'yinchisi Madina Voxidova himoyachilarimiz xatosidan unumli foydalanib, Laylo Tilavova qo'riqlayotgan darvozani ishg'ol qildi. Bu golga oradan ikki daqiqa o'tib, hujumchimiz Nilufar Qudratova javob qaytardi. O'yinchilarimiz uchrashuvning birinchi bo'limida yana raqib darvozasini uch marta aniq nishonga olishdi va hisobni 4:1 ko'rinishiga olib kelishdi. Birinchi bo'limdagi qolgan gollarga Tanzilya Zarbieva (1) va Malika Burxonovalar (2) mualliflik qilishdi. Ikkinchi bo'lim ham kurashlarga boy tarzda o'tdi. Shoira Qulto'raeva va Malika Burxonovalar yana bir martadan gol urishib, hisobni 6:1ga o'zgartirishdi. O'z o'rnida tajribali futbolchilarimiz “Paxtakor W” jamoasi o'yinchilariga gol urish uchun boshqa imkon berishmadi. Shunday qilib, ikkinchi uchrashuvda ham g'alaba qo'lga kiritildi. Jamoamiz ertaga dam oladi va 26 yanvar kuni “TATU” jamoasiga qarshi maydonga tushadi. Uchrashuv soat 11:00da boshlanadi. Quyida bugungi jamoamiz ishtirokidagi o'yin qaydnomasi bilan tanishing. Mini futbol bo'yicha XIII O'zbekiston chempionati. Dastlabki bosqich, 1-tur “Paxtakor W” (Toshkent) – “Sevinch” (Qarshi) 1:6 (1:4)
Toshkent sh., “Yoshlik” sport arenasi. 24.01.2017 yil
Gollar: Madina Voxidova, 5’-1:0 – Nilufar Qudratova (7’-1:1), Tanzilya Zarbieva, (13’ 1:2), Malika Burxonova (15′-1:3, 18’-1:4, 27’-1:6), Shoira Qulto'raeva (23’-1:5).
“Paxtakor W”: 26.Jibek Mirzabekova, 10.Dinara Tagirova, 1.Dilorom Tulanova, Gulmira Devyatova, 19.Zuhro Muhammadjonova, 4.Mirana Kosnikova, 28.Umida Hatamova, 7.Madina Hikmatova, 17.Madina Voxidova, 21.Madina Tursunova, 8.Roziyaxon Asqarova, 24.Kamola Erkinova, 22.Gulruh Xo'jaeva, 35.Ekaterina Noskova.
“Sevinch”: 1.Laylo Tilavova, 12.Matluba Abdirasulova, 8.Kamola Riskieva (s), 11.Shaxzoda Jamolova, 10.Ilvina Ablyakimova, 17.Tanzilya Zarbieva, 27.Shodiya Tosheva, 25.Maftuna Shoimova, 37.Malika Burxonova, 77.Nilufar Qudratova, 7.Shoira Qulto'raeva, 20.Maftuna Panjieva, 18.Sevara Normurodova, Shaxnoza Qurbanova.
Hakamlar: Edita Mirobidova, Lyudmila Geyger, Aleksandra Konchikova, Anna Sidorova. Bugungi uchrashuvlar quyidagi natijalar bilan yakunlandi: “Yuz rabot” – “Baxmal” 4:3 “Alanga S” – “TATU” 0:11 “Oq qo'rg'on” – “Sho'rtan Lady” 0:9 Dam olish: “Qirq qiz” (Nukus) Ertaga 25 yanvar kuni bo'ladigan uchrashuvlar anonsi: “Sho'rtan Lady” – “Baxmal” “TATU” – “Yuz rabot” “Alanga S” – “Oq qo'rg'on” “Qirq qiz” – “Paxtakor W” Dam olish: “Sevinch”
— deya xabar beradi uff.uz nashri.