Madridning “Real” jamoasida bir qator braziliyalik futbolchilar to'p surib kelishgan. Biz “qirollik klubi” tarixidagi eng yaxshi braziliyaliklar TOP-5 ligini tuzib chiqdik.

5. Kaka
2009 yilda «Real» «Oltin to'p-2007» sohibi bo'lgan Kakani 68, 5 mln. evroga «Milan»dan xarid qildi. Braziliyalik yarim himoyachi, Madridda jarohatlar changalida qolib ketdi. Kaka 4 mavsum mobaynida «Real» safida 120 o'yinda 29 ta gol kiritdi. Biroq oldingiday yuqori saviyali o'yin namoyish qila olmadi. Shunday bo'lsada u madridliklarning 2012 yili La Ligadagi chempionligiga munosib hissa qo'sha oldi.

4. Robino
Robino 2005 yilda katta umidlar bilan Madrid klubi tomonidan sotib olindi. Braziliyalik futbolchi «galaktikos» safida 2008 yilgacha 135 bellashuvda 35 marta raqib posbonlarini ranjitgan. U jamoa bilan 2 marta Ispaniya chempionligiga sazovor bo'ldi va 2008 yilda «Manchester Siti»ga transfer qilindi. 3. Marselo
Marselo “Real” safiga 2006 yili 18 yoshida kelib qo'shilgan. Qanot himoyachisi vazifasini bajaruvchi futbolchi hozirga qadar “qirollik klubi” safida 416 o'yinda maydonga tushib, 33 ta gol urdi va 57 ta golli uzatmani amalga oshirdi. Marselo Madridliklar bilan 3 marta Premeroda, 2 martadan kubok va superkubokda, ikki martadan Chempionlar ligasi, UEFA superkubogi va klublar o'rtasidagi jahon chempionatlarida zafar quchdi.
2. Ronaldo
“So'yloq tish” 2002-2007 yillar davomida Madridliklar tarkibida maydonga tushib, 177 ta bahsda 104 ta gol urgan. Ronaldo 2004 yilda Ispaniya chempionati to'purarligini qo'lga kiritgan. U klub bilan birgalikda 6 ta musobaqaning bosh sovriniga sazovor bo'ldi. 2002 yil yakunlariga ko'ra, esa jahonning "eng yaxshi futbolchisi"ga atalgan «Oltin to'p» sohibiga aylandi. 2007 yili jamoa bosh murabbiyi Fabio Kapello bilan kelisha olmagan futbolchi “Milan”ga yo'l oldi. Davomi Furqat Yusupov blogida.
— deya xabar beradi uff.uz nashri.