Andijon shahrining “Barkamol avlod” stadionida ikkinchi tabaqa jamoalari o'rtasidagi viloyat hokimi kubogi musobaqasining final uchrashuvi bo'lib o'tdi.
G'oliblik uchun hal qiluvchi o'yinda viloyat tuman va shaharlari jamoalari ichida raqiblaridan ustunlik qilgan Andijon va Qorasuv shaharlarining “UzDongJu” hamda “Qorasuv” jamoalari to'qnash keldilar.
Keskin kurashlar ostida kechgan bahsda qorasuvlik futbolchilar birinchi bo'lim so'ngida Bekzod Karimov tomonidan kiritilgan gol evaziga g'oliblikni qo'lga kiritdi.
Turnirning yopilish marosimida so'z olgan viloyat futbol federatsiyasi vitse-prezidenti Bekzodbek Karimov, Qorasuv shahar hokimi Muqimjon Niyozov hamda Andijon futbolga ixtisoslashgan futbol internati direktori Nasibullo Madrahimovlar musobaqada ishtirok etgan barcha jamoalar va ularning murabbiylariga ajoyib o'yinlari uchun minnatdorchilik bildirib o'tishdi.
Shundan so'ng turnirni tashkil etishda qatnashgan faol insonlarga viloyat hokimligi va futbol federatsiyasi tomonidan tashakkurnomalar taqdim etildi. Turli nominatsiyalarda o'zini ko'rsatgan futbolchilar, hakamlarga diplom va esdalik sovg'alari berildi.
Turnir finalida ishtirok etgan har ikki jamoa munosib taqdirlanib, g'olib “Qorasuv” jamoasiga viloyat hokimi Kubogi tantanali ravishda topshirildi.
Davomi Elmurod Ermatov & ALBARS blogida.
— deya xabar beradi uff.uz nashri.