"Barselona"ning rekordchilari haqidagi maqolaning davomini e'tiboringizga havola etamiz.
La ligada bir o'yinda eng ko'p gol urgan futbolchi - Ladislav Kubala
Kubala 1951/52 yilgi mavsumda "Sporting"ga qarshi kechgan bellashuvda oz emas, ko'p emas naq 7 ta gol kiritishga muvaffaq bo'lgan.
Kubokda bir o'yinda eng ko'p gol urgan futbolchi - Euloxio Martines
1956/57 yilgi mavsumda Kubok doirasida "Barselona" Madridning "Atletiko"siga qarshi maydonga tushdi. Mazkur bellashuvda Kataloniyaliklar hujumchisi Martines 7 ta gol urgan.
ChLda bir o'yinda eng ko'p gol urgan futbolchi – Lionel Messi
2011/12 yilgi mavsumda Chempionlar ligasi nimchorak finalida "Barselona" va "Bayer" o'zaro to'qnash kelishdi. "Kamp Nou"dagi bellashuvda "Barsa" hujumchisi Messi "penta-trik"ka erishdi.
Eng ko'p "xet-trik"ka erishgan futbolchi - Lionel Messi
Leo 2004 yildan buyon barcha musobaqalarda "Barselona" tarkibida 33 marta "xet-trik" qayd etgan.
La ligada eng ko'p "xet-trik"ka erishgan futbolchi - Lionel Messi
Messi 13 yildan buyon Ispaniya chempionati musobaqalrida 24 ta bellashuvda 3 ta va undan ortiq gol urib, klub tarixidan joy olgan.
Chempionlar ligasida eng ko'p "xet-trik"ka erishgan futbolchi - Lionel Messi
Argentinalik 29 yoshli futbolchi Chempionlar ligasi turnirida 4 marta "xet-trik" va bir martadan "poker" va "penta-trik" qayd etgan. U ChLda "xet-trik"ka erishish bo'yicha mutloq rekordchidir.
Ispaniya chempionatida eng uzoq golli ceriya qayd etgan futbolchi - Lionel Messi
Messi 2012/13 yilgi mavsumda 11 turdan 29-turgacha va 33-34 turlarda ketma-ket 21 o'yinda 33 ta gol kiritgan.
XXI asrda jamoaning eng tezkor "xet-trik"ka erishgan futbolchisi - Pedro
Klub tarbiyalanuvchisi hisoblanadigan pedro 2013/14 yilgi mavsumda "Xetafe"ga qarshi o'yinda 8 daqiqa ichida raqib posbonini 3 bora xafa qilgan. Davomi >> 1-qism
— deya xabar beradi uff.uz nashri.